Telelana, landarez inguratuta

Pandemiaz geroztik, pertsona askok beren lan-espazioa etxeetara eraman dute, eta ordu gehiago igarotzen dute etxe barruan. Horregatik, naturaz inguratutako lan-espazio bat sortzeak, giro lasaiagoa eskaintzeaz gain, kontzentratuago egotea ahalbidetzen digu eta neke gutxiago sortzen du. Gora telelan berdea!

Landareek, etxean, giroa garbitzen dute, hezetasuna erregulatzen dute, batzuek lizuna ezabatzen dute eta, gainera, kontzentrazioa hobetzen dute, estres-mailak murrizten laguntzen dute, produktibitatea handitzen dute eta sormena hobetzen dute. Telelana egiten baduzu, ez izan zalantzarik: jarri landareak zure etxean! 

Hemen dituzu konpainia egingo dizuten aukera batzuk:

• Spatiphillium: oxigeno asko sortzen duen landare polit eta dotorea. Gure egongeletan klasiko bat! Airea garbitzen laguntzen du. Ureztatu lurra lehortzen hasten denean.

• Nephrolepsis: itxura ederreko garoa, zure bulegoari ukitu exotikoa emango diona. Landare berde, fresko eta lasaigarria. Ezin hobea da beste landare zintzilikatu batzuen ondoan jarrita. Argia ondo jasaten du eta ureztaketa moderatua eskertzen du. 

• Pothos: zaintzeko erraza den landarea. Hosto berde eta distiratsuek dotoretasun ukitu bat ematen diote edozein espaziori. Airea garbitzen du baita toxinak ezabatu ere.

• Ficus sendoa: bere presentzia berdeak eta itxura erakargarriak giro lasaia eta atsegina sortzen dute, eta horrek kontzentrazioa errazten du. Kontuan izan argi asko behar duela, eta eguzkia zuzenean dagoen leku batean koka dezakezula.

• Calathea: kalatearen hostoak dira bere erakargarritasun nagusia, patroi eta kolore desberdinekin, hala nola berde iluna, berde argia, zuria, arrosa, morea eta zilar koloreak izan ditzake. 

Ziurtatu telelanaren espazioak nahiko argi duela eta landareak osasuntsu eta zoriontsu mantentzeko beharrezkoak diren ureztaketa eta mantentze-lanak egin ditzakezula.
Landare zoriontsuak, lan giro ezin hobea!