Petuniak, aukera zoragarria gure lorategi eta terrazetarako

Loraldi ikusgarria

Petuniek loraldi ugari eta etengabea oparitzen digute udaberritik udazkenera arte, gure lorategia kolore biziekin apainduz. Kolore ezberdin ugari dituzte; zuriak, gorriak, horiak, laranjak, arrosak, urdinak… bi koloreko barietateak ere badaude! Oso ikusgarriak dira, bai loreontzian baita lorategian jartzeko ere. Zintzilikatzeko moduko barietate berezi bat ere badugu, surfinia deiturikoa.


Oinarrizko zainketak

Ez da zaintzeko oso zaila, baina gutxieneko zainketa batzuk behar ditu. Zoru emankorrarekin, tenperatura leunekin, eguzki-esposizioarekin eta ongarri egokiarekin, oso lore iraunkorrak izango dituzu. Ondo jasaten ditu tenperatura hotzak, baina ez izozteak. Garrantzitsua da, halaber, landarea aldizka kimatzea loratzea sustatzeko.
Saiatu lur solte batean landatzen, elikagai ugarirekin eta drainatze on batekin. Landare guztiek bezala, gehiegizko hezetasuna izatea saihestu behar dugu, horrek gaixotasunak eta izurriteak eragin baititzake. Astean 3-4 aldiz ureztatzea komeni da, bai lorategian landatuta badaude, bai loreontzietan badaude ere.


Hamaika barietate

Petunia-mota asko daude, lore handiagoekin edo txikiagoekin, zintzilikatutako itxurarekin, etab. Aukeratzen duzuna aukeratzen duzula, petuniak eta surfiniak zure lorategi, balkoi edo terrazako protagonistak bihurtuko dira.
 

Irakurri artikulu gehiago JARDINARIUM NEWS aldizkarian!